МОЛИТВЫ ВЕЛИКОМУЧЕНИКУ ФЕОДОРУ СТРАТИЛАТУ

ТРОПАРЬ

Воинствословием истинным, страстотерпче, Небеснаго Царя воевода предобрый был еси, Феодоре: оружиями бо веры ополчился еси мудренно, и победил еси демонов полки, и победоносный явился еси страдалец. Темже тя верою ублажаем.

 

КОНДАК 

Мужеством души в веру оболкийся, и глагол Божий, аки копие, в руку взем, врага победил еси, мучеников превелий Феодоре: с ними Христу Богу моляся не престай о всех нас.

 

АКАФИСТ

 

Кондак 1

Возбраному воеводе и славному во страдальцех воину, святому великомученику Феодору,/ приидите песнь хвалебную вкупе воспоим./ Ты же, великомучениче, яко имея дерзновение ко Господу,/ от всяких нас бед свободи, да зовем ти:/ Радуйся, святый великомучениче Феодоре, Великий Стратилате.

 

Икос 1

Ангелов Творец и всея твари Создатель яви тя Церкви Своей, яко страдальница доблественна и воина непобедима, да вси по достоянию страдания твоя восхвалят, страстотерпче Феодоре. Сего ради и мы, яко мученика днесь чтуще, восхваляем ты, вопиюще:

Радуйся, идольского служения прелесть обличивый. 

Радуйся, ярость безумного царя языческого презревый.

Радуйся, сего ради мучения велия и раны смертные претерпевый.

Радуйся, яко Христос от Пилата, от Ликиния царя плотию на кресте пригвожденный.

Радуйся, от Ангела Господня паки живот и крепость дивно восприявый.

Радуйся, с радостию о Господе главу свою честную под меч преклонивый.

Радуйся, святый великомучениче Феодоре, Великий Стратилате.

 

Кондак 2

Зряще страдальца доблественна и воина непобедима святого великомученика Феодора, страданьми венцы победные приявша и со ангелы сочетавшееся и чудес сокровище миру даровавша, вернии единомудренне почтим, воспевающа Богу: Аллилуиа.

 

Икос 2

Разум божественный стяжав, змия велия и страшна, близ Евхаитска града вогнездившася, крестом и мечем поразил еси, воине Христов, темже и стратилат, еси есть воевода, восставлен был еси на земли. Мы же яко небесному воеводе вопием ти:

Радуйся, силою Христовою от змия того лютого отечество свое свободивый.

Радуйся, многое народа множество ко Христу обративый.

Радуйся, оружием веры демонов полки победивый.

Радуйся, яко победоносный явился еси на земли страдалец.

Радуйся, чудес множество с верою к тебе прибегающим подаваяй.

Радуйся, Христа Бога моли ти за ны милостиво не оскудневаяй.

Радуйся, святый великомучениче Феодоре, Великий Стратилате.

 

Кондак 3

Силою Божией умерщвлена змия Феодором Стратилатом видевше, Евхаитский град и вси людие окрестние чудяшеся зело и взываху глаголющее: «Велие есть Бог Феодоров, сей есть Бог истинный,» - Емуже мы вопием: Аллилуиа.

 

Икос 3

Имея обычай благий нощию молитися неусыпно, Феодоре святый, видения божественнаго сподобился еси: покрову храмины, аки отверсту явшуюся и свету небесному, яко огню велию, осиявшу тя; также и глас слышал еси свыше глаголющ: « Дерзай, Феодоре с тобою бо есмь». Сим познал еси, яко время прииде страдания твоего за Христа, веседидся духом. Темже вопием ти:

Радуйся, яко славу неизглаголанную Христа Бога узрел еси.

Радуйся, яко и премирных видений зритель был еси.

Радуйся, яко и на земли небесныя собеседники имел еси.

Радуйся, великих бо Таин откровений в земной жизни сподобился еси.

Радуйся, пророческое просвещение.

Радуйся, светильниче мысленный, светом Христовым облистаемый.

Радуйся, святый великомучениче Феодоре, Великий Стратилате.

 

Кондак 4

Бурю мучений близящуюся разумев, сице молился еси со слезами, блажение Феодоре, Христу Богу : «Господи, Боже, всесильный, буди ми милостив и соблюди мя от прелести вражия, Дане порадуются врази мои». Такоже и мы с тобою Богу вопием: Аллилуиа.

 

Икос 4

Слышав злочестивого царя прельстительныя глаголы, яко да жертвы и кадилы и ароматы принесоши мерзким богам, Феодоре треблаженне, сокрушил еси я в нощь едину и, раздробив вся идолы златы сребряны в части малы, разделил их сирым и убогим. Сего ради неустрашимому твоему подвигу вельми дившеся, сице вопием:

Радуйся, премудростия словес твоих бесстуднейшаго царя посрамивый.

Радуйся, славу Бога жива и истина пред языки проповедавый.

Радуйся, яко воистину Феодор, еже сказуется дар Божий, явился еси.

Радуйся, яко ныне со ангелы и лики мучеников блаженнее радуешися.

Радуйся, яко дерзновение имеяй к Богу, от скорбей и страстей нас всех избавляеши.

Радуйся, святый великомучениче Феодоре, Великий Стратилате.

 

Кондак 5

Богомерзкие идолы егда яко злато и сребро обычно рассек уси злато и сребро обычно рассек уси рукою человеческою, безумного чаря нечестиваго поругал еси, великомучениче, глаголя ему: « Ты кланяешися богам мертвым, аз же поклоняюся Богу Живому». Емуже с тобою и мы поклоняемся, взывающее: Аллилуиа.

 

Икос 5

Видев нечестивый мучитель тело твое честное на мучение предаемо, ругашеся тебе, страстотерпче. Ты же, святый, вся сия мужественно терпя, ничтоже ино глаголал еси точию: « Слава Тебе, Боже мой!» Терпению твоему дивяшеся, сице вопием ти:

Радуйся, жилами вольими и прутьями оловянными беспощадно биемый.

Радуйся, многие раны к ранам имже несть числа, от мучителя претерпевый.

Радуйся, яко венцы победные тако от Христа приявый.

Радуйся, твоими ко Христу ходотайствы верные спасаяй.

Радуйся, святый великомучениче Феодоре, Великий Стратилате.

 

Кондак 6

Проповедник славы Христовой явился, в темницу ввержен был еси, страстотерпче Феодоре, неистовым мучителем руце и нози имеяй связана и нечисоже ядый даже до дний пяти. Ангел же свят пришед разрешити ты связана, да вопиеши Богу: Аллилуиа.

 

Икос 6

Виссияша почести твоя Феодоре. Якоже бо иногда Христос Господь наш от Пилата, такожде и ты, блаженнее, от Ликинния царя на кресте пропят был еси, руце и нозе имея пригвожденна. Сего ради придем вси верни песненными венцы Феодора Мученика преславного величаем глаголющее:

Радуйся, ко кресты пригвожденный.

Радуйся, стрелы острыми и гвоздием прободенный.

Радуйся, мечем усеченный.

Радуйся, всякими хитростями болезней предупрежденный.

Радуйся, яко в мучениях непреклонен и непобедим явился еси.

Радуйся, святый великомучениче Феодоре, Великий Стратилате.

 

Кондак 7

Хотя от земных разрешитися и на древо вшед уязвленною  плотию, великомученниче Феодоре, сице молился еси ко Господу: «Помяни мя, Господи, претерпевающа крест Тебе ради». Емуже и мы с тобою вопием: Аллилуиа.

 

Икос 7

Нова по страдании яви Ангел Господень, Феодора мученика, в первую бо стражу нощи висящу тому на кресте сниде с небесе и снят со кресте и сотвори всего цела и здрава, якоже и прежде, и лобзая рече ему: «Радуйся и укрепляйся, Феодоре, себо с тобою Господь». Сего ради и мы со безплотными купно воззовем тому глаголюще:

Радуйся, целование ангельское приемый.

Радуйся, спасительную страсть Зиждителя изобразивый.

Радуйся, во всяких нуждах предстательством твоим спасаяй.

Радуйся, всяку душегубительную печаль и обстояние отгоняй.

Радуйся, чудес множество сущим в мире подаваяй.

Радуйся, верным сердца невидимо подаваяй.

Радуйся, святый великомученниче Феодоре, Великий Стратилате.

 

Кондак 8

Странное о тебе содевается, блаженнее Феодоре, мучитель бо злочестивый мнев ты распята мертва суща, остави тело твое на кресте висяща, ты же от Ангела цел и здрав быв, начал еси Пети Господеви песнь хвалебную: Аллилуиа.

 

Икос 8

Всего ты истребити хотящее мучитель, сего ради и сотник: повеле пояти тело твое со креста и в ковчег оловян вложити и в пучину морскую ввергнути, да никако христиане е возмут и честно погребут. Сотницы же знамения многая и велия от святаго узревшее, ко Христу обратившася; сего

Ради и мы чтуще честную мученика память сице вопием:

Радуйся, Небеснаго Царя воеводо предобрый.

Радуйся, риторе изрядный, паче мудрецов мира мудрейший.

Радуйся, вся мира сего красная ни во что же вменивый.

Радуйся, терпения совершеннейший образ всем показавый.

Радуйся, в Сионе горнем со Ангелы и святыми купно вселивыйся.

Радуйся, ходатай теплый за ны пред Богом явивыйся.

Радуйся, святый великомучениче Феодоре, Великий Стратилате.

 

Кондак 9

Всякая похвала подобает тебе великомучениче Феодоре, претерпев бо крест и по страдании паки цел и здрав со креста сошед, Ангелом чудесным действием, неверные сотники царския и воины многи прежде нечестивые просветил еси и найчил еси веровати Христу Богу и Пети Ему купно с тобою : Аллилуиа.

 

Икос 9

Ветия, сказуяй славу Божию неизчетными знамении твоими, явился еси миру славо мучеников Феодоре, от тебе бо исцеление неоскудно почерпаем, вси к тебе с верою прибегающии и страсти твои воспевающии сице:

Радуйся, узники многи от уз разрешивый.

Радуйся, двери темничныя словом единым отверзаяй.

Радуйся, недужным исцеление подаваяй.

Радуйся, демоном злым одержимыя свобождаяй.

Радуйся, точию прикасающиеся ко одежде твоей абие исцеляй.

Радуйся, вместо кровных капель исцелений токи одождяяй.

Радуйся, святый великомучениче Феодоре, Великий Стратилате.

 

Кондак 10

Спасительную веру восприявша вси людие велия знамение твоя зрящии, треблаженне Феодоре, темже идолов мерзких отвергшее, Христу прилепишася, глаголющее: «Велий бо есть Бог Феодоров, сей есть Бог истинный», - Емуже присно вопием: Аллилуиа.

 

Икос 10

Стену необоримую мужества твоего воине Христов, неодолев лютый мучитель, убийством на тя дышуще и крове твоея аки пес алчный жаждал, посла мечем убити тя, ты же помолився и знамением крестным знаменався, волею приклонил еси под меч главу твою твоея усекновение чтуще сице вопием ти:

Радуйся, мечем смерть меченическую восприявый.

Радуйся, во успении своем знамения многи сотворивый.

Радуйся, веру и любовь Христову даже до смерти сохранивый.

Радуйся, яко в вышних чертозех со ангелы и святыми вселился еси.

Радуйся, яко за грешныя теплый ко Христу предстатель явился еси.

Радуйся,о дущах наших непрестанный молитвениче.

Радуйся, святый великомучениче Феодоре, Великий Стратилате.

 

Кондак 11

Пение надгробное со свещами и кадилы воспеша людие вси, честь тебе воздающее, Феодоре, егда глава твоя честная мечем усечена бысть, темже взяше тело твое святое и в месте нарочитее положивша е, последи же и в Евхаитский град принесоша, Христа Бога славящее и поющее Ему песнь: Аллилуиа.

 

Икос 11

Светом знамения изряднаго поразил еси нечестивыя сарацины на престный храм твой, иже в Корсате, нашедших, егда стрелою устрели образ твой, абие истече кровь в обличение тех омраченных безумием. Темже знамению сему чудящееся, верно вопием ти, чудотворче Феодоре:

Радуйся, яко безумие сарацин посрамил еси.

Радуйся, яко Церковь Божию от поругания оградил еси.

Радуйся, яко образ твой светлый чудотворен явился еси.

Радуйся, яко имя твое и в неверных прославил еси.

Радуйся, паче верные к тебе прибегати в мольбах научил еси.

Радуйся, святый великомучениче Феодоре, Великий Стратилате.

 

Кондак 12

Благодатным знамением невразумившеся невернии сарацины храм твой святый оскверниша и рбразу твоему честному поругатися мняху, обаче смерть люту по малех днех приятху, верни же вси икону твою святую, яко чудодейственну вельми чтуще взывают Богу: Аллилуиа.

 

Икос 12

Поют дивныя подвиги и чудеса твоя вси верни по всей земли христианстей по вся дни в неисчислимых храмах и обитателях во имя твое созданных, собирающееся и песненными венцы тя, великомучениче Феодоре Стратилате, темже и нас, память твою днесь светло празднующих, помяни и защити, да любовию зовем ти вопиюще:

Радуйся, яко мольбы грешных приемлеши.

Радуйся, яко скорби душевныя утоляеши.

Радуйся, яко страстей огонь укрощаеши.

Радуйся, яко от всякия скверны  плоти и духа соблюдаеши.

Радуйся, яко от искушений лукавого избавляеши.

Радуйся, яко молящихся у престола Вседержителя поминаеши.

Радуйся, Святый великомучениче Феодоре, Великий Стратилате.

 

Кондак 13

О, всехвальный и всеблаженный Стратилате, великомучениче святый Феодоре! Прими сие умиленное моление наше, и ко Престолу Небеснаго Царя Христа своро вознеси, да предстательством твоим от всяких зол и напастей свободимся, вопиюще Богу присно: Аллилуиа.

(трижды)

(Сей кондак читается трижды, затем икос 1 и кондак 1 )

 

Молитва

О, преславный и прехвальный великомученниче святый Феодоре! Великий Стратилате!

Не отрини грешных сия малыя молитвы и приношения, но яко имея дерзновение ко Всемилостивому Владыке, потщися кнам недостойным скорою твоею помощию и явися ходатай за ны теплый у Христа Бога, да не погибнем вси во грехах наших, но да сотворит с нами по великой милости Своей, да умирит мир и сохранит нас от всякаго злаго обстояния, да даст нам тихое и безмятежное житие пожити в чистоте и благочестии, и по исходе душ наших неосужденно предстати судилищу Его и деснаго стояния сподобитися, да выну поем и славим Его Всесвятое имя со Отцем и Святым Духом во веки веков. Аминь.

 

Величание

Величаем тя, Святый Великомучениче Феодоре Стратилате, и чтим честная страдания твоя, яже за Христа претерпел еси.

 

Молитва вторая

О святый, славный и всехвальный великомучениче Феодоре Стратилате! Молим тя пред иконою твоею святою?: моли с нами и о нас, раб Божиих (имена), умоляемого от Своего благосердия Бога, да милостивно услышит нас, благостыни у Него просящих, вся наша ко спасению и житию нужна прошения да исполнит. Еще же молим тя, святый победоносче Феодоре Стратилате, разруши силы возстающих на ны врагов, видимых и невидимых. Умоли же Господа Бога, всея твари Создателя, избавити нас от вечнаго мучения, да всегда прославляем Отца и Сына и Святаго Духа и твое исповедуемпредстательство, ныне и присно и во веки веков. Аминь